AAN DIE VOET VAN TAFELBERG

Gulsig smul ons aan die voet van Tafelberg. Hierdie vleisgevulde bolletjie het ons laat Hup Holland Hup tot styf teenaan die stadion. Saam gelag, saam gejuig en saam gehuil. Ons hou die Oranje vlag omhoog, vir jou ons Hollandse gister-kind.

MY BLIKKIE VOL KOS

'n Vuurwarm Spaanse aand. Hemels is die voedsel hier op ons tafel, terwyl vriende se gelag ons harte warm laat klop. Min het ons geweet van die band wat ons bind aan hierdie vreemde land. Getrou die resepte nagevolg, net om te vind, dis aljuis my ouma se gelaste dis.

PATERNOSTER

Ons stil-word-dae. Saamwees-tye. Onthou-weer-oomblikke. Hier op Paternoster se strand. Lig trap, suutjies praat, almal lê en slaap. Puzzle-blou is jou hoedjie nou, more oggend grys en grou.

Tussen vandag en gister lê 'n lang teerpad van hier in die Kaap tot daar waar ons weer langs jou kom rus, Klein Skulpie op die strand.

GLASHELDER-SKITTER-MOOI-DAG EK GROET JOU SAG

Huppelkind ek lag

Mooi herhinneringe en seer-maak-oomblikke

Langsaam tel ek op gister se stukke

Ons bak koekies nog 'n slag

Saggies gee ek jou 'n drukkie

En plaas die foon terug op sy mikkie

Liewe Mams, ek sal wag nog so 'n rukkie

Voor ek groet, sag teen jou wang